«جعفری»یم سؤز بحرینده اوزه رم
اینجی تاپیب «ساری تئل»ه دوزه رم
مضراب اولوب، تئل اوستونده گزرم
اهل ایسترم؛ سؤز قاندیرا، سؤز قانا
«ساری تئل»دسته سی؛ عاشیق توپلومو
حقّه ساری؛ اوندان سالدیم یولومو
اوستادیم «افشار»دی توتان قولومو
محبت سیز عینه مرم ـ آرتمارام
ساری تئلین حق ایلقارین آتمارام
ادامه مطلب...
«میصیر»، «لیبی»، «یمن»، «بحرین»، «حجاز»، «تونس» قاریشدی
ـ «عرب»، «عجم»، ظلم الیندن هامّی گلدی فریادا
«امیر»، «سلطان»، «خوجا»، «پاشا» تاجِ تختی بیراخدی
یداللهِ فــوقَ ایــدی؛ ظاهر اولدی دونیادا
کفره غنیم، دینه دایاق، انقلابلار قوپدولار
تاپداق آلتیندا قالانلار، نجات یولون تاپدیلار
عدالتین بالتالاری، ظلوم کؤکون چاپدیلار
حقّ الله دان ایسته دیلر، اؤزو چاتدی امدادا
«صنعا» دان باشلاندی نهضت، بیتدی «تونس»ده کؤکو
داردا قالمیشلار اویاندی، پیتداشیب ظلمون یوکو
اوّل ـ آخر انقلابین ســرّ و اســراری بــو کــی :
... ـ جور و بیدادین الیندن گلدی انسانلار دادا
«مصر» ده گیزلین خودیک لر* چیخدی بیردن ظاهره
مؤمن اصلانلار دایاندی ، لطف حیّ قاهره
«تحریر»ه مئیدان آچیلدی ، آزاد اولدی «قاهره»
قالدی «حسنی نامبارک»، گؤر نه عاجز، دونیادا
«لیبی» ده قانلی یوروش لر، «بن غازی» دن باشلاندی
«سرهنگ» اؤزون داردا گؤردو، قان گؤیلره داشلاندی
«طرابلس»دا ظفرلرین خنجرلری قاشلاندی
«قذّافی»نین جنازه سی قالدی ویلان اورتادا
«وهّابیّت» قورقوسوندان سارسیلیب خلقِ «حجاز»
گون چیخان قانلی «قطیف»دن باشلانیبدیر اعتراض
«طائف»ین قومی قوچاقدیر، انقلابی بوشلاماز
دولتِ «آلِ سعود»دا آز قالیر گئتسین بادا
لاله قانلاردان بویاندی، چون «منامه» یا حسین(ع)
قهر ائدیب «آلِ خلیفه» بو مرامه یا حسین(ع)
سؤیکه نیب «بحرین»، اون ایکی حق امامه یا حسین(ع)
«شیعه»نین قانی سالیبدیر لرزه جانی جلّادا
«جعفری» وئردی نداسین، ذکرِ یا ابن العسکری
«ساری تئل»** ین عاشیق لاری جعفری نین یاوری
قیلدی ازبر ماهنی لارین «آذربایجان» ائل لری
ساری تئلین یوخدی مثلی گزسن دوزِ دونیادا
................................
* خوديک = غم ، غصّه
بو ارکسترين عضولري ايران دا ايلک بيمه اولموش هنرمندلرديرلر.
همين ارکستر فعاليته باشلاياندا، من ده اونون فخري شاعيري و مصلحتچي سي اولماغي ممنونيّت و فخرله قبول ائتميشم. (بو حقده گله جک ده تفصيلاتلي معلومات وئريله جک).
Misir , Libi , Yəmən , Bəhreyn , Hecaz , Tunes qarışdı
Ərəb , Əcəm zülm əlindən , Hammı gəldi fəryada
Əmir , sultan , xoca , paşa jaci təxti bıraxdi
YƏDOLLAHE FƏVQƏ ƏYDİ zahir oldu dünyada
Küfrə qənim , Dinə dayaq inqilablar qopdular
Tapdaq altında qalanlar , nəcat yolun tapdılar
Ədalətin baltaları zülüm kökün çapdılar
Həqq Allahdan istədilər , özü çatdı imdada
Sən`adan başlandı nehzət , bitdi Tunesdə kökü
Darda qalmışlar oyandı , pıtdaşıb zülmün yükü
:Əvvəl – axır inqilabın sir o əsrarı bu ki
Cövr o bidadın əlindən gəldi insanlar dada
Misrdə gizlin xudiklər çıxdı birdən zahirə
Mömin insanlar dayandı lütfi – həyyi – Qahirə
Təhrirə meydan açıldı , azad oldu Qahirə
Qaldı Hüsni namübarək gör nə aciz da`vada
Libidə qanlı yürüşlər , Binqazidən başlandı
Sərhəng özün darda gördü , qan göylərə daşlandı
Trablosda zəfərlərin xəncərləri qaşlandı
Qəzzafinin cənazəsi qaldı veylan ortada
Vəhhabiyyət qurqusundan sarsılıb xəlqi – Hicaz
Gün çıxan qanlı Qətifdən başlanıbdır e`tiraz
Tayifin qövmü qoçaqdır inqilabı boşlamaz
Devləti – Ali – Su`udda az qalır getsin bada
Lalə qanlardan boyandı çün Mənamə ya Hüsen
Qəhr edib Ali – Xəlifə bu məramə ya Hüsen
Söykənib Bəhreyn , On iki həqq İmamə ya hüsen
Şi`ənin qanı salıbdır lərzə canı – cəllada
Cə`fəri verdi nidasın . zikri – : yəbnəl`əskəri
Sarı telın Aşıqları Cə`fərinin yavəri
Qıldı əzbər mahnıların , Azərbaycan elləri
Sarı telin yoxdu misli , gəzsən düzi-dünyada