«قاسم سلیمانی» عزت قازاندی

سنگرلری آلا ـ آلا گون به گون

ایلقار ائتدی علی (ع) مولاسی سایاق

مظلوم قصاصینی آلا گون به گون

***

«داعش»ین قارشیندا دوردو عینِ داغ

دئدی: (گرک بو قورقونو داغیداق)

«سوریّه» ده قوپدو قیرقین، داغِ داغ

امر اولوندو هر ائل ـ آلا گون به گون

***

حق سئور انسانین ایشی دؤیوشدو

سلیمانی چوخ جبهه ده دؤیوشدو

سنگردن سنگره جبهه دگیشدی

غصب اولموش یئرلری آلا گون به گون

***

سفیل ایمانسیزلار دوز یولون آزی

سلیمانی ییخدی حرص ایلن آزی

قیرخ ایلدن یوخاری جنگ ائدیب آزی

یارالاردان باتیب آلا گون به گون

***

هئچ گلشنده گوللر مثلِ خار اولماز

بو بره نین چیمی رانتخوار اولماز

بؤیوک سردار عزیز اولار؛ خوار اولماز

اویمادی چون هئچ فئل ـ آلا گون به گون

***

قالخدی جهاد دئیه هر صبحی ـ شامی

گزدی «افغانستان»، «لبنان»ی، «شام»ی

قان وئردی؛ شان آلدی سحر ـ آخشامی

گووندی بو وئره ـ آلا گون به گون

***

اونا یانیر بیلمم اورک؟ یا سینه؟

تاپیشیردیم «وَاِن یَکاد»ه «یاسین»ه

گؤزل آرخا دوردو «آلِ یاسین»ه

عمر وقف ائتدی بو آلا گون به گون

***

«استاد افشار» وئرسه دگر (جعفری)!*

معرفت قاپیسین دؤیر جعفری

«ساری تئل»ه ماهنی دئیر جعفری

قوشمالاری اولار اعلا گون به گون

***

تهران ـ شنبه ۱۳۹۶/۱۱/۰۶ ـ صبح صلاتیندن صونرا

* ارکستر ساری تئل در سال هفتاد و دو توسط استاد رضا افشارپور (افشار) در تبریز تشکیل شده و با سرپرستی ایشان فعالیت مینماید. از بدو تشکیل این ارکستر اینجانب به عنوان شاعر و مشاور گروه با ایشان همکاری می نمایم