اوتوز یئددی ــــــــــ ایل ظولمه قارشی دایاندی
فدا قیلدی هر نمنه سین* «ماندئلا»
ییخدی آخیر مردانه لیک گوجو ایله
«آپارتاید»ین شوم بینه سین ماندئلا
***
خوش داشیردی آززادلیغین یوکونو
اودا چکدی «انگلیس»ین کؤکونو
یئله وئردی استبدادین توکونو
حاکم ائتدی اراده سین ماندئلا
***
بیر گؤز ایله باخدی آغا ــــــــــ قارایا
انسانلیق اؤلچوسون چکدی آرایا
انسان دئیه قالخدی هایا ــــــــــ هارایا
مروّتین سالدی بحثین ماندئلا
***
همّت کمری له باغلادی بئلی
قازاندی صلح دن نشان، «نوبئل»ی
«تبریز»ده گؤرسه یدی گر «ساری تئل»ی
سازیندا دویاردی؛ سسین ماندئلا
***
«جعفری» بو یولدا وئردی دیل منه
آزادلیق اؤیرتدی، آزاد ائل منه
الهام قایناغی دیر ساری تئل منه
بوردا گؤرسون جان ذیروه سین ماندئلا

*هر نمنه سین = hər nəmnəsin = هر نه یین (اورمو لهجه سی دیر)

            تهران ۲۳ /۰۹/ ۱۳۹۲